آآه يادنيآآ

موضوع: آآه يادنيآآ الأربعاء يونيو 02, 2010 2:55 am

السلام عليكم
شحالكم ؟ شخباركم؟
عساكم بخير عافية ..
يبتلكم اليوم قصة ... وأتمنى إنها تعجبكم .. وأبا رايكم ..

["]آآآآه يا دنيا !!؟؟
في يوم من الأيام راحت ((غلا)) المجمع مع صديقتها المفضلة ( (ريم)) وطبعاً ((غلا)) وحدة متربية وبنت ناس وأهم شيء سمعتها وهي ما شاء الله عليها وايد حلوة وأبوها معروف .. بس متوفي .. وأمها ما شاء الله عليها كل ما تطوف سنتين تسافر ..
في هاليوم سافرت أمها .. ملت ((غلا)) من اليلسة فالبيت فدقت حق ربيعتها ((ريم)) قالت شوي نطلع نتشرى .. فطلعوا وراحوا تشروا الأغراض اللي يبونها .. وعقب ما خلصوا راحوا المطعم .. قالت ((غلا)) حق ربيعتها ((ريم)) شوفي هالريال من متى وهو يطالعني قومي وصليني البيت خلاص بتعشى هناك .. قالت ((ريم)) خلاص أوكي .. وطلعوا من المطعم وراحت ((ريم)) توصل ((غلا)) وهم في السيارة شافت واحد يأشر لهم .. فزاغت ((غلا)) وراحت ((ريم)) قالت أنا أراويه ..ونزلت من السيارة وهزبته .. وقالت له ليش تلحقنا؟؟ قال لا ما بغيت شيء .. قالت ((ريم)) عيل ليش تأشر .. قال : خلاص حقكم علي انا آسف يا أختي وردت عليه ((ريم)) : عن المصاخة والله حالة .. وأصلاً هالشاب كان يتحرى إن ((غلا)) هي اللي تسوق وكان يبي يشوفها ..
سافرت ((ريم)) البحرين سياحة مع أهلها .. و((غلا)) حدها كارها عيشتها وزهقانة .. فقالت أروح أتمشى على الكورنيش أحسن لي .. نادت الدريول ووصلها ..
وشافها الشاب اللي لقته في المطعم .. وهو حده كان مستانس لأنها كانت بروحها .. وراح عندها .. قال لها ممكن طلب .. ؟؟ قالت ( (غلا)) : نعم !!؟؟ قال : لا أنا أقصد تبين شيء .. قالت ((غلا)) بخووووف: لا مشكور أخووي .. وطبعاً الشاب حليله ما خذ فخاطره لأن ((غلا)) قالت أخوي .. وهو ميت عليها ويقول الله على هالجمال ..
و((غلا)) بعد اللي صار .. بسرعة ركبت السيارة وراحت البيت .. وهالشاب المرة الأولى اللي شافها في الجامعة ..
ومرت الأيام ورجعت أمها من السفر .. المهم .. مرت الأيام وخلصت الإجازة ..
وراحت ((ريم)) تكمل دراستها برع ..مع أخوها ..
وبدأت أيام الدراسة .. راحت ((غلا)) الجامعة .. وهالجامعة mix خلط بنات وأولاد وعطوهم بريــك عشان يسيرون الكافتيريا .. فالشاب تخبل يوم شاف ((غلا)) وراح عندها وقال لها : ممكن أعزمج ؟؟ ((غلا)) بعصبية : أنته شو عندك .. ومشكور ما أبي عزيمة ؟؟!! قال لها : الله يخليج باخذ شوي من وقتج .. قالت ((غلا)) : إنته ناسي إني بنية والبنية أهم شيء عندها سمعتها .. قال : شوي والله .. وبعد نحن أصدقاء .. بعد الحوار اللي صار وترجاها .. قالت أوكي بس باجر مب اليوم .. يلا مع السلامة .. وهو مررررررة فرحااااااااااااااااان .. و((غلا)) بيت البيت حست هالريال محترم ومتربي .. وارتاحت له .. معنّى ما قعدت وياه بس رمسته ..
ويا اليوم الثاني راحت ((((غلا)))) الكوفي شوب اللي فالجامعة وعزمها هالغداء .. ويلس معاها .. وقال لها : شو اسمج ؟ قالت : ((غلا)) .. وانت شو اسمك ؟؟ قال: ((سهيل)) ..
وقال ((سهيل)) لـ((غلا)) : ما شاء الله على اسمج وااااااايد حلو ولايق عليج ..
وهيه مسكينة مستحية .. وبعدين قال ((سهيل)) لـ((غلا)) ممكن تكلميني عن نفسج .. قالت : علشان إنت صديقي وربيعتي مسافرة ومحد معاي بكلمك عن نفسي ..
أنا أبوي تزوج حرمتين وحدة أمي والثانية اسمها ((أم مايد)) اللي هي ((فاطمة)) وطبعاً إنت ذكرتني باسم ولدها ((سهيل)) بس مووول فحياتي ما شفته وكان خاطري أشوفه.. بس أمي ما كانت ترضى .. المهم ومايد أخوي الكبير من ((فاطمة)) كان وايد يحبني وكنت أموت فيه وكنت من اطلب منه شيء ييبَ لي .. كان يدلعني أكثر من أمي وأبوي .. وأما ((فاطمة)) حرمت أبوي الثانية كنت أموووت فيها وتعاملني أحسن عن أمي .. وعقب ما كتب أبوي البيت باسم أمي .. ومرت الأيام وأبوي توفى لأن كان فيه جلطة .. وأمي حدها تكره ((فاطمة)) وطردتها من البيت لأن خلاص البيت صار بيتها ..
وحليله الريال .. مندمج بالساااااااااااااااااااااااااااااااالفة .. ويقولها كملي ..
وتكمل ((غلا)) : وكنت وايد حزينة على مرت أبوي الثانية وطبعاً ((سهيل)) أكبر مني بسنة .. وأمي كانت تكرهني لأني كله كنت أسير عند ((فاطمة)) واعتبرها مثل أمي واكثر .. وبعدين صااااحت ((غلا)) لأنها تذكرت ((فاطمة)) وأبوها وأخوها((سهيل)) اللي كانت تتمنى إن تشوفه وأخوها الكبير ((مايد)) .. واستغرب ((سهيل)) .. قال لها : خلاص يا ((غلا)) لا تصيحين .. وهدت ((غلا)) ..
وقالت : يلا يا ((سهيل)) عرفني عليك أكثر . قال لها : أمي اسمها ((فاطمة)) وعندي أخو اكبر مني اسمه ((مايد)) أكبر مني.. ونفس السالفة اللي قالتلي أمي إن ((سمية)) مرت أبوي الأولى طردتهم من البيت لأن البيت كان مسجل باسمها وأبوي توفى وطبعاً السلطة كلها كانت عندها .. واستغربت ((غلا)) وقالت : أمي إسمها ((سمية)) وتعجب ((سهيل)) : وقال يعني انتي اختي .. وصاحت ((غلا)) وحضنها اخوها ..
طبعاً ((سهيل)) المسكين كان يبي يتزوجها .. بس الحين يوم عرف إنها اخته.. دمعت عينه من الفرحة لان شاف اخته .. واستانست ((غلا)) لأن من زمان خاطرها تشوف أخوها ((سهيل))..
وكانت ((غلا)) كله تقوله أخوي وهو كان يشل فخاطره .. فسبحان الله بالنهاية طلع صدق أخوووووووووووها ...
آآآآه يا دنيا .. اخوان ولا يعرفون بعض إلا بالصدفة ..... الكلمات اماراتيه سامحوني

موضوع: رد: آآه يادنيآآ الجمعة يونيو 04, 2010 8:04 am

تجنن وربي تجنن
مره يسلمو
بجد اعجبتني
وربي انك ذوق
تسلمين
لا تحرمينا البي..

موضوع: رد: آآه يادنيآآ السبت يونيو 05, 2010 3:22 pm

انتي اللي تجننين مشكووره عا لمروور

سبحــان الله

عالم غريب

وربي لو ابوي متزوج وعندنا اخوان من ابوي لعيش معهم

هم بالاول و لااخير اخواني

موضوع توووحفة

لك ودي

موضوع: رد: آآه يادنيآآ السبت يونيو 12, 2010 4:03 pm

تهبل يعطك ااااااااااااااااالف عافية تحياتي آآه يادنيآآ 33326

موضوع: رد: آآه يادنيآآ السبت يوليو 24, 2010 2:59 pm

تجننننن خقق حلوه مرهههه يسلمووووو

موضوع: رد: آآه يادنيآآ الأحد يناير 22, 2012 11:07 am

مرة حلوة هالقصة روعة يسلموايدك[/b]